KA HANG NA A, KA NALH A NI

‘Inkhawm, inkhawm, eng mah ni bik lo’ min ti,

Eng mah nih loh vanga engkim neitu bel kan ni;

‘|hat tum thei lo, suala bo’ min ti bang lo,

Sualin bo mah ila, tu dang ka thlang chuang lo.

Ka nunhlui an chhui, ka tihsual an hril,

An thawm a ring, a khur thinlai ril;

Hei erawh ka hria, ‘ka hang na a, ka nalh a ni’

Isua chhinchhiahna putu ka ni.

Tuarna leh lungngaihna a lo thlenin,

Hrehawm leh thimin ka vel a bawm laiin,

‘Khawnge i Pathian chu?’ min lo ti chamchi a,

“Hrehawm mah se, Awma ka ta” tiin ka chhang a.

Ka lei hringnun a ral hunah,

Heta bul kan \an a tawp hunah;

Tawp tawh lo tur nun thar sinin,

Bul kan \an ang, chatuana nung turin.

(He hla hril hi K|P Mission Vengthlang Branch-in K|P Week 2025 intihsiak a buatsaih puala ka ziah a ni)